Actividades
As actividades do proxecto son:
- Creación dun observatorio transfronteirizo. Se dinamizará e impulsará a través de indicadores comúns, organizará xornadas anuais de reflexión estadística que terán como base os grupos sectoriais de análise estratéxica. Impulsará a cooperación de segunda xeración buscando novos socios para impulsar novos proxectos e informando e divulgando informacións sobre a eurorexión, as súas institucións e identificación de boas prácticas.
- Servizos comúns para a implantación de novos métodos de xestión nos equipamentos sociais, culturais, turísticos e deportivos. Se realizaron estudos comparativos sobre a situación dos equipamentos municipais de natureza social, cultural, turísticos e deportivos dos dous lados da fronteira, propoñendo solucións para compartir estes equipamentos.
- Lanzamento da AECT Galicia Norte de Portugal. Os obxectivos que persegue esta AECT, son a execución dos programas cofinanciados pola Comunidade Europea, ou ben a realización de calquera outra actividade de cooperación transfronteiriza, con ou sen intervención comunitaria. As AECT, actúan por nome e conta dos seus propios membros, as súas competencias fíxanse nun convenio de colaboración entre os seus propios membros e posúe a capacidade xurídica que se recoñece ás persoas xurídicas.
- Publicación e difusión das actividades. Elaboración dun Plano de Comunicación para dar visibilidade ás actuacións realizadas e cumprir coas obligacións de publicidade que impón a Unión Europea.